Sauto-voulame
Chondrilla juncea
Asteraceae Compositae
Àutri noum : Cantoulamo, Mauguié, Sauto-mourre, Berenchié, Lachet.
Noms en français : Chondrille à tiges de jonc, Chondrille jonciforme.
Descripcioun :Lou sauto-voulame es uno planto coumuno d'ermas. L'estiéu se recounèis à sa cambo redo que porto quàuqui fueio e de flour jauno coumpausado e pulèu longo. L'ivèr la rouseto rèsto contro lou sòu ; li fueio soun descoupado emé de tros en arc de ciéucle que parton vers lou cèntre de la rouseto. Ramentan qu'èi talamen duro qu'empachavo li meissounié de sega lou blad : "L'ourame te lou fasié fila de coustat. Resquihavo sus la tijo" (Louis Garcin in MADON O., op.cit.).
Usanço :Es uno bono erbo de l'ensalado champanello que fau acampa quouro li fueio de la baso soun pancaro secarouso. Se soubro la tijo de l'an davans, sara eisa de la recounèisse (fotò).
Port : Grando erbo
Taio : 0,3 à 1,2 m
Fueio : basalo
Tipe bioulougico : Emicriptoufite
Cicle bioulougico : Planto renadivo
Gènre : Chondrilla
Famiho : Asteraceae
Famiho classico : Compositae
Tribu : Cichorieae
Ordre : Asterales
Coulour de la flour :
Jauno
Petalo : >6
Ø (o loungour) enflourejado : 1,5 cm
Flourido : Printèms
- Estiéu
Sòu : Ca
Autour basso e auto : 0 à 1700 m
Aparado : Noun
Remarco : Ensalado champanello
Juliet à óutobre
Liò : Champ
- Ermas
- Camin
Estànci : Termoumediterran à Coulinen
Couroulougi : Éurasiatico-Cèntre-Ouèst
Ref. sc. : Chondrilla juncea L., 1753
Flour-de-l'amour-fèro
Delphinium consolida
Ranunculaceae
Autre noum : Flour-dei-capouchin.
Nom en français : Pied d'alouette.
Descripcioun :La flour-de-l'amour-fèro es uno planto de l'an que trachis principalamen dins li cerealo o peréu dins lis ermas. Li flour soun d'un blu prefound emé un long esperoun. La souleto subsp. au nostre èi consolida.
Usanço :Planto empouisounanto, utilisado à passa tèms pèr tua li pesou e li mourpioun (emé d'aplicacioun sus la pèu). De la manja, fai raca (emetico).
Port : Erbo
Taio : 20 à 80 cm
Fueio : alterno
Tipe bioulougico : Teroufite
Cicle bioulougico : Planto de l'an
Gènre : Delphinium
Famiho : Ranunculaceae
Ordre : Ranunculales
Coulour de la flour :
Vióuleto
Petalo : irreguliero
Ø (o loungour) flour : 20 à 35 cm
Flourido : Printèms
- Estiéu - Autouno
Sòu : Ca
Autour basso e auto : 0 à 1200 m
Aparado : Noun
Remarco : Champ de cerealo
Jun à óutobre
Liò : Champ
- Colo
- Meissoun
Estànci : Mesoumediterran à Mountagnard
Couroulougi : Eurimediterrano
Ref. sc. : Delphinium consolida L., 1753
(= Consolida regalis subsp. regalis Gray, 1821 )
